PAG-AMPO SA MIYERKULES SANTO
Abril 1, 2026
Kassey Pamaran-Uy
National Council of Churches in the Philippines
Among ginahinumdom ang Imong katawhan sa Dupax del Norte
sa Mindoro, sa Negros, ug uban dapit nagakalisod
Mga tingog nga dugay nang nanawagan, apan padayon nga gisalikway.
Hangtod kanus-a sila dili paminawon?
Nasamdan ang yuta, gihurot ang mga kahoy, gihugawan ang katubigan—
Ug kinsa man ang manubag niini?
Ayoha ang yuta, Ginoo, apan pukawa usab ang among konsensya nga dugay nang nahilom.
Ginoo, nasuko kami sa inhustisya nga among nakita:
Sa sistema nga nag-una sa ginansya kaysa sa kinabuhi,
Sa pangagamhanan nga wala motindog alang sa iyang katawhan.
Unta dili na kami maghilom.
Lihoka ang among mga lider, dili lang sa pagpaminaw, kundili sa paglihok.
Paningkamoti ang hustisya, panubaga ang kadaut, ug ipanumbalik ang hustong pag-atiman sa Imong binuhat.
Kay ang yuta Imoha, ug dili kini angay pag-abusohon.
Hinaut nga mobarug ang hustisya, ug karon na dayon
Siya’y Nawa.
